४ वैशाख, उदयपुर । केही दिनयतादेखि त्रियुगा नगरपालिका क्षेत्र तथा सदरमुकाम गाईघाटलगायत जिल्लाको पूर्वी क्षेत्रमा झाडापखालाको प्रकोप बढ्दै गएको छ ।
त्रियुगा नगरपालिका क्षेत्रका विभिन्न वडाका साथै सदरमुकाम गाईघाट क्षेत्रमा समेत झाडापखालाको प्रकोप बढ्दै जान थालेको स्थानीयवासी बताउँछन् । अहिले झाडापखालाको कारण दैनिक ३० देखि ५० जनासम्म बिरामी उपचारको लागि जिल्ला अस्पतालमा आउन थालेको अस्पतालले बताएको छ ।
जिल्लाको पूर्वी क्षेत्रको सुन्दपुर,हँडिया,जोगिदह तथा तपेश्वरी क्षेत्रमा समेत केही दिनदेखि झाडापखाला फैलन थालेको हँडियाका स्थानीय कुमार खत्रीले बताए ।
झाडापखालाबाट प्रभावित बिरामीमध्ये केही उपचारको लागि स्थानीय स्वास्थ्य चौकीमा जाने गरेका छन् भने केही जिल्ला अस्पताल आउने गरेको स्थानीयवासीले बताएका छन् ।
झाडापखाला फैलनुको मुख्य कारण फोहोर प्रदूषित पानी र दूषित खाना तथा बढी गर्मीका कारण भएको अस्पतालले जनाएको छ । रासस
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4