१ मंसिर, काठमाडौं । काठमाडौं उपत्यकामा लोडसेडिङ अन्त्य गरेको नेपाल विद्युत प्राधिकरणले यसलाई निरन्तरता दिन जनतासँग सहयोग मागेको छ ।
तिहारको समयमा लोडसेडिङ नगरेको प्राधिकरणले अहिलेसम्म त्यसलाई निरन्तरता दिएको छ । तर, जाडोयाममा विद्युत उत्पादन घट्ने र खपत भने बढी हुने भएकाले कसरी व्यवस्थापन गर्ने भन्नेमा प्राधिकरण जुटेको छ ।
यसक्रममा उसले जनतासँग सहयोग मागेको छ । यो सहयोग बत्ती नै नबाल्ने भन्ने होइन । प्राधिकरणले पिकलोड आवरमा बढी विद्युत खपत हुने उपकरणहरु नचलाएर सहयोग गर्न अपील गरेको छ ।
प्राधिकरणका अनुसार विहान ५ बजेदेखि ८ बजेसम्म र साँझ साढे ५ बजेदेखि साढे ८ बजेसम्मलाई पिकलोड समय मानिन्छ । यो समयमा बढी विद्युत खपत हुने उपकरणहरु वासिङ मेसिन, पानी तान्ने पम्प, आइरन, गिजर जस्ता उपकरण प्रयोग नगरी लोडसेडिङ अन्त्यको अभियानमा सहयोग गरिदिन प्राधिकरणले आग्रह गरेको छ ।
पिकलोड समय बाहेक अरु समयमा भने यी उपकरणहरु पनि चलाउन सकिनेछ ।
लोडसेडिङ अन्त्य गर्ने अभियानमा जनतालाई साथमा लिएर अघि बढ्ने प्राधिकारणका प्रबन्ध निर्देशक कुलमान घिसिङले बताए ।
यी पनि पढनुहोस्
यसरी पो गरिँदोरहेछ बिजुलीको कालोबजारी !
कुलमान घिसिङको भित्री कथाः बेथानको ‘ध्वाँसो’ देखि काठमाडौंको लोडसेडिङसम्म
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
प्रतिक्रिया 4