चीनले नेपाललार्इ १५.७ अर्ब अनुदान सहयोग दिने

१४ पुस, काठमाडौं । चीनले नेपाललाई १५.७ अर्ब रुपैयाँ अनुदान सहयोग दिने भएको छ ।

चीनले स्याप्रुवेशी- रसुवागढी सडकको स्तरोन्तति गर्न, सिभिल अस्पतालको स्तरोन्नति तथा पुनर्निर्माण र भूकम्प पछिको पुनर्निर्माणमा खर्च गर्न एक बिलियन चिनियाँ यूआन सहयोग उपलब्ध गराउने भएको हो ।

बेइजिङमा बिहीबार अनुदान रकम दिने सम्झौतामा दुबै देशका अधिकारीले हस्ताक्षर गरेका छन् ।

बेइजिङस्थित नेपाली दूतावासले जनाएअनुसार सम्झौता पत्रमा चिनियाँ वाणिज्य राज्यमन्त्री झ्याङ सियाङचेन र चीनका लागि नेपाली राजदूत लीलामणि पौडेलले हस्ताक्षर गरेका छन्।

अनुदान सहयोग कनेक्टिभिटी विस्तार, पर्यटन, ब्यापार, लगानी प्रवद्र्धन, स्वास्थ्य क्षेत्रको सुधार तथा भूकम्प प्रभावित जिल्लाको जनताको जीवनस्तर उन्नतीका लागि खर्च गरिने छ ।