करिश्माको काम हेर्न तीज कुर्नुपर्ने

काठमाडौं । अभिनेतृ करिष्मा मानन्धरले १२ वर्षपछि बनाएको फिल्म ‘फागु: द कलर अफ लाईफ’ को रिलिज तीजको छेको पारेर गरिने भएको छ । आउँदो भदौ २५ गते फिल्म रिलिज गर्ने योजना रहेको निर्देशक सम्झना रौनियारले जानकारी दिइन् ।

पछिल्लो केही वर्ष यता तीज फिल्मको ब्यापार राम्रो हुने मौसमको रुपमा चिनिदै आएको छ । तीज छेकोमा फिल्म रिलिज गर्न निर्माताहरुले तँछाड मछाड गर्ने गरेका छन् ।

शिल्पा पोखरेल, सुवास पराजुली, राजेश हमाल, गौरी मल्ल, लगायतका कलाकारको अभिनय रहेको यो फिल्म फागुसँग सम्बन्धित छ ।

१२ वर्षअघि ‘बाबुसाहेब’ बनाएर ब्यापारिक असफलता भोगेकी करिष्माले यसपटक प्रदर्शनमा विषेश ध्यान दिने योजना बनाएकी छिन् ।