मुखर्जीको नेपाल भ्रमणका लागि भारत सकारात्मक

१७ असार, काठमाडौं । भारतले राष्ट्रपति प्रणव मुखर्जीको नेपाल भ्रमणका लागि सकारात्मक रहेको बताएको छ ।

भारतीय विदेश मन्त्रालयका प्रवक्ता विकास स्वरुपले नेपाल भारतबीच उच्चस्तरको भ्रमण आदान प्रदानका लागि खुला रहेको बताए ।

मन्त्रालयमा शुक्रबार आयोजित नियमित पत्रकार सम्मेलनमा मुखर्जीको नेपाल भ्रमणबारे सोधिएको थियो । जवाफमा स्वरुपले भने, ‘भ्रमणका लागि प्रस्ताव आयो भने हामी सकारात्मक छौं ।’

हालै मात्र परराष्ट्रमन्त्री कमल थापाको भारत भ्रमणका क्रममा भारतीय विदेशमन्त्री सुष्मा स्वराजसँग दुई देशका राष्ट्रपतिको भ्रमणबारे छलफल भएको थियो ।