काठमाडौं । निजी क्षेत्रको लगानीमा राजधानीमा पहिलो हृदय रोग अस्पताल ‘गौतम बुद्ध इन्टरनेसनल कार्डियाक हस्पिटल’ सञ्चालनमा आएको छ । अस्पतालले बौद्ध परम्पराअनुसार महापरित्राण पाठ गराएर आइतबारदेखि आफ्नो सेवा आरम्भ गरेको छ ।
करिब पाँच करोड रुपैयाँ लगानीमा काठमाडौं-३५ फुलबारीमा स्थापाना भएको १५ शैयाको उक्त अस्पतालले सरकारी सरहकै शुल्कमा सेवा दिने जनाएको छ ।
अस्पतालमा ईसीजी, इको, टीएमटी, होल्टर, एबीपीए, ईईसीपी, एन्जियोग्राफी, एन्जियोप्लास्टी, पेसमेकर, भल्भ रिप्लेन्समेन्ट, बाइपास सर्जरीलगायत सेवा उपलब्ध गराइने डा. विकास सुवेदीले जानकारी दिए ।
डा. सुवेदीका अनुसार अस्पतालले विद्यालयसम्म पुगेर बाथ, मुटुरोग तथा सर्वसाधारणको मुटु जाँचको सेवा समेत उपलब्ध गराउनेछ ।
अस्पतालमा मुटुरोग विशेषज्ञ डा. विकास सुवेदी, डा. अनवर खान, डा. नवीन श्रेष्ठको लगानी छ । त्यस्तै, स्थानीय रामेश्वर सुवेदी, विना सुवेदी, राजेश सुवेदी, अभिषेक सुवेदी र पवन केसीको समेत लगानी छ ।
प्रतिक्रिया 4