२ फागुन, काठमाडौं । प्रधानमन्त्री केपी शर्मा ओलीले देश अब पानी जहाजको युगमा प्रवेश गरेको बताएका छन् ।
ललितपुरको एकान्तकुनामा नेपाल पानी जहाज कार्यालयको बिहीबार उदघाटन गर्दै प्रधानमन्त्री ओलीले नेपालको राष्ट्रिय ध्वजा बाहक पानी जहाज छिट्टै चल्ने बताए ।
‘पानी जहाज कार्यालय जागीर खुवाउनका लागि होइन, देशलाई एक कदम अघि बढाउन खुलेको हो,’ उनले भने, ‘पानी जहाजको टिकट कहिले पाइन्छ भनेर केही महिना हामीलाई जिस्काउलान् तर केही महिना पर्खनुस् । टिकट पाइन्छ ।’
भारतले गण्डकी नदीमा डीपीआर बनाइसकेको जानकारी आफूले पाएको उनले जानकारी पनि दिए ।
प्रधानमन्त्री ओलीले पानी जहाजको कार्यालय कसैलाई जागिर खुवाउन मात्र नखोलिएको बताए । प्रधानमन्त्रीले भने, ‘कसैलाई जागिर खुवाउन वा २-४ जना इन्जिनियरले काम नपाएर पानी जहाज कार्यालय खोलिएको होइन । मुलुकलाई एक कदम अगाडि बढाउन कार्यालय खोलिएको हो ।’
भारत भ्रमणको क्रममा रक्सौल-काठमाडौं रेल र पानी जहाजको कुरा आफूले उठाएको स्मरण गर्दै उनले केही दिनभित्र काठमाडौंबाट कोशी नदीसम्म सामान लगेर त्यहाँबाट पानी जहाजमार्फत ओसार्न सकिने बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4