१५ चैत, काठमाडौं । चीनको पूर्वाधार कम्पनी पावर चाइनाका प्रवन्धक सोङ डोङसोङले दक्षिण एशियाको उर्जा बजारमा नेपालका लागि अवसर रहेको बताएका छन् ।
शुक्रबारबाट शुरु भएको लगानी सम्मेलनको उर्जा सम्बन्धी सत्रमा बोल्दै उनले विद्युत बजार विस्तारका लागि नेपाल तयार रहनु पर्ने बताए ।
चीनको प्रतिव्यक्ति विद्युत खपत भारत र बंगलादेशको भन्दा धेरै भएको भन्दै उनले केही समयपछि दक्षिण एशियाली मुलुकहरुमा पनि विद्युतको माग बढ्ने बताए ।
‘दक्षिण एशियाली मुलुकहरुमा विद्युतको माग केही समयपछि चीनको जत्तिकै हाराहारीमा पुग्छ, त्यसैले विद्युत बजार विस्तारमा नेपाल तयार रहनुपर्छ’, उनले भने ।
नेपालको उर्जा क्षेत्रमा प्रशस्त सम्भावना रहेको भन्दै उनले यसमा चिनियाँ लगानीकर्ता पनि ईच्छुक रहेको बताए । ‘उर्जामा धेरै सम्भावना छ, चिनियाँ पनि ईच्छुक छन्, मलाई लाग्छ चीनका लागि उर्जा, प्रविधि लगायतका माध्यमबाट लगानीको प्रमुख आकर्षण बन्ने मैले अपेक्षा लिएको छ’, उनले भने ।
पूर्वाधार, उर्जा लगायतका क्षेत्रमा काम गर्दै आएको पावर चाइना चीनको सबभन्दा ठूलो बहुराष्ट्रिय कम्पनी हो । हाइड्रो पावर, थर्मल पावर, वैकल्पिक उर्जा, पूर्वाधार, औजार-उपकरण, रियलस्टेट क्षेत्रमा पावर चाइनाले काम गर्दै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4