१७ वैशाख, काठमाडौं । उद्याेगी-व्यवसायीहरूको संगठन नेपाल चेम्बर अफ कमर्सका अध्यक्ष राजेशकाजी श्रेष्ठले नेपाल राष्ट्र बैङ्कले दोस्रो पटक ल्याएको सहुलियत प्याकले निजी क्षेत्रलाई उत्साहित नबनाएको बताएका छन् ।
राष्ट्र बैङ्कले मंगलबार कोरोना प्रभावित ऋणीलाई चौथो त्रैमासको ब्याजमा दुई प्रतिशत छुट दिन बैङ्क तथा वित्तीय संस्थाहरूलाई निर्देशन दिएको थियो । तर, यसले निजी क्षेत्रलाई सहुलियत महसुस नभएको चेम्बर अध्यक्ष श्रेष्ठले बताए।
‘लकडाउनपछि राष्ट्र बैङ्कले २ पटक सहुलियत प्याकेज भनेर घोषण गर्यो, तर दुबैले निजी क्षेत्र उत्साहित हुन सक्ने देखिएन’ अनलाइनखबरसँगको कुराकानीमा उनले भने, ‘राष्ट्र बैङ्कले अर्थतन्त्र बचाउनका लागि जुन खुला दिलले प्याकेज ल्याउनुपर्ने थियो त्यो ल्याएन ।’
उनले विश्वका धेरै केन्द्रीय बैङ्कहरूले अर्थतन्त्रलाई बचाउनका लागि विशेष प्याकेज ल्याएको भए पनि नेपालको केन्द्रीय बैङ्कले त्यसबाट नसिकेको बताए । अध्यक्ष श्रेष्ठले राष्ट्र बैङ्कले बैङ्कहरूका लागि मात्रै नभएर समग्र अर्थतन्त्रलाई नै सकारात्मक दिशातर्फ अघि बढाउने खालको आर्थिक प्याकेज ल्याउनुपर्ने धारणा राखे ।
राष्ट्र बैङ्कले चौथो त्रैमासमा २ प्रतिशत ब्याज छुट दिनुको खासै अर्थ नरहेको उनको भनाइ छ । उद्योग व्यवसाय पूर्ण रुपमा बन्द भएको अवस्थामा विशेष प्याकेजको अपेक्षा गरिए पनि त्यो नआएको उनले गुनासो गरे ।
यतिबेला उद्योग-व्यवसाय घाउ नै घाउले थलिएको भन्दै अध्यक्ष श्रेष्ठले सरकारले मलम लगाए जस्तोमात्रै गरेको बताए ।
चौथो त्रैमासको ब्याजमा दुई प्रतिशत छुट पनि सीमित व्यवसायलाई मात्र नभई सबैलाई दिनुपर्ने उनी बताउँछन् । ‘एक त २ प्रतिशत छुटले पुग्दैन, त्यो पनि सानादेखि ठूला सबैलाई दिनुपर्छ’ उनले भने, ‘कुनै सीमित क्षेत्रलाई मात्रै दिएर भएन ।’
थप १० प्रतिशत पुनर्कर्जा एक वर्षका लागि दिने भनिएको पनि त्यो समय अपुग भएको अध्यक्ष श्रेष्ठको भनाइ छ । उनले पुनर्कर्जा कम्तीमा ३ वर्ष स्वतः नवीकरण हुनेगरी दिनु पर्ने माग राखे । ६० अर्बको पुनर्कर्जा कोषले पनि नपुग्ने भन्दै उनले त्यसलाई बढाएर दुई सय अर्ब रुपैयाँको बनाउनुपर्ने बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4