उनाई एमरीले अस्वीकार गरे न्यूक्यासलको प्रस्ताव
२०७८ कात्तिक १७ गते १६:४४ 
१७ कात्तिक, काठमाडौं । प्रशिक्षक उनाई एमरीले इंग्लिस क्लब न्यूक्यासल युनाइटेडको प्रस्ताव अस्वीकार गरेका छन् ।
स्पेनिस क्लब भियारियलका प्रशिक्षक एमरीलाई अनुबन्ध गर्न न्यूक्यासलले चासो देखाएको थियो । एमरीले पनि सार्वजनिक रुपमा नै त्यसलाई स्वीकार गर्नुका साथै आफूले अस्वीकार नगरिसकेको बताएका थिए ।
तर उनले आफ्नो सोच बदलेका छन् । मंगलबार राति योङ ब्वाइजलाई २–० ले पराजित गर्दै च्याम्पियन्स लिगको नकआउट चरणमा पुग्ने सम्भावना जीवित नै राखेका उनी अब स्पेनमा नै रहने भएका छन् ।
भियारियलका मालिक फेर्नान्डो रोजले पनि यसको पुष्टि गरेको स्पेनिस अनलाइन मार्काले जनाएको छ ।
प्रतिक्रिया 4