२०७८ माघ २३ गते ८:०० 
२३ माघ, काठमाडौं । इभान राकिटिकले इन्जुरी टाइममा पेनाल्टीमा गोल गर्न नसक्दा सेभियाले स्पानिस ला लिगामा ओसासुनासंग गोलरहित बराबरी खेलेको छ ।
निर्धारित समयमा दुवैतर्फबाट गोल हुन नसके पनि इन्जुरी टाइममा सेभियाले तीन अंक जोड्ने अवसर पाएको थियो ।
ओसासुनाका मानुएल सान्चेजेल जुल्स कोन्डेलाई फाउल गरेपछि भिएआरको सहयोगमा रेफ्रीले सेभियालाई पेनाल्टी प्रदान गरेका थिए । तर राकिटिकको पेनाल्टी प्रहार ओसासुनाका गोलकिपर सर्जियो हेरेरलाई बचाए ।
बराबरीपछि सेभियाले शीर्ष स्थानको रियल मड्रिडसँग अंक दूरी कम गर्ने अवसर गुमाएको छ । सेभिया २३ खेलबाट ४७ अंकसहित दोस्रो स्थानमा छ । एक खर्ल कम खेलेको रियलको ५० अंक छ । ओसासुना २३ खेलबाट २९ अंकसहित १२औं स्थानमा छ ।
प्रतिक्रिया 4