संगीतकार आशिष अविरललाई पितृशोक

२५ माघ, काठमाडौं । संगीतकार आशिष अविरललाई पितृशोक परेको छ । उनका बुवा बलबहादुर परियारको निधन भएको हो ।

परियारको निधनप्रति संगीतकर्मीहरुले दुःख व्यक्त गरेका छन् । संगीतकार सुरेश अधिकारीले फेसबुकमार्फत संगीतकार अविरलको बुबाको निधनको जानकारी दिँदै दुःख व्यक्त गरेका छन् ।

यस्तै गायक शिव परियार, संगीतकार वसन्त थापा, गीतकार विपिन किरण लगायतले पनि संगीतकार अविरलको बुवाको निधनमा दुःख व्यक्त गरेका छन् ।

संगीत संयोजकसमेत रहेका अविरलले संगीत गरेका तिमीले दिने माया, तिमीविनाको जीवन, माया ओ माया, माया लुकीलुकी लगायत गीत लोकप्रिय छन् ।