![](https://www.onlinekhabar.com/wp-content/uploads/2022/02/Resh-Raj-Acharya.jpg)
५ फागुन, काठमाडौं । चलचित्र निर्देशक रेशराज आचार्यको निधन भएको छ । उनको बुधबार राति ६४ वर्षको उमेरमा निधन भएको चलचित्रकर्मी प्रदीप दाहालले जानकारी दिए ।
आचार्यका श्रीमती र एक जना छोरा छन् । दुवै जना विदेशमा भएकाले उनका दाजु कृष्ण आचार्यले अन्तिम संस्कार गरेका छन् । निर्देशक आचार्य काठमाडौंको कोटेश्वरमा बस्दै आएका थिए ।
चलचित्र ‘तिलहरी’बाट निर्देशनको यात्रा तय गरेका उनले टुहुरो, माटो बोल्छ, बन्धन, आमा, मन मुटु र माया, मायाको साइनो, भाग्यले जुरायो, नगद नारायण, धर्मसंकट लगायतका चलचित्र निर्देशन गरेका थिए ।
उनले निर्देशन गरेको अन्तिम चलचित्र ‘प्रीतिको फूल’ हो । उनी नयाँ चलचित्र निर्देशनको तयारीमा समेत थिए । आचार्यले दुश्मन, आमा लगायतका टेलिसिरियलको पनि निर्देशन गरेका थिए । यस्तै उनले ‘सपना, सम्पत्ति, मायालु लगायतका चलचित्रमा सहनिर्देशकको रुपमा काम गरेका थिए ।
प्रतिक्रिया 4