+
+

पीएनजीविरुद्ध टस हारेर फिल्डिङ गर्दै नेपाल, सागर ढकालको डेब्यू

अनलाइनखबर अनलाइनखबर
२०७८ चैत २ गते १०:५२

२ चैत, काठमाडौं । विश्वकप क्रिकेट लिग टु अन्तर्गत त्रिकोणात्मक शृंखलाको आफ्नो पहिलो खेलमा नेपालले पपुवा न्युगिनीविरुद्ध खेल्दैछ । यूएईको सारजहाँ रंगशालामा नेपालले टस हारेपछि पहिले फिल्डिङ गर्ने भएको छ ।

६ महिनापछि एकदिवसीय अन्तर्राष्ट्रिय क्रिकेट खेल्न लागेको नेपालको टिममा आज सागर ढकालले एकदिवसीय अन्तर्राष्ट्रिय डेब्यु गर्दैछन् । अफ स्पिनर सागरले अघिल्लो महिना चारदेशीय शृंखला अन्तर्गत ओमानसँगको खेलमा टी–२० अन्तर्राष्ट्रियमा डेब्यु गरेका थिए । घरेलु क्रिकेटमा विभागीय टोली नेपाल पुलिसबाट खेल्ने उनले दुईवटा टी–२० अन्तर्राष्ट्रिय खेल खेलेका छन् । दुवै ओमानसँग हो ।

नेपाली टोलीमा सन्दीप लामिछाने, ज्ञानेन्द्र मल्ल, दीपेन्द्र सिंह ऐरी, कुशल भुर्तेल, मोहम्मद आरिफ शेख, मोहम्मद आसिफ शेख, सागर ढकाल, करण केसी, विनोद भण्डारी, रोहितकुमार पौडेल र सोमपाल कामी छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?