नेशनल लाइफ इन्स्योरेन्सकी अध्यक्ष सिंहले लिइन् शपथ

काठमाडौं । नेशनल लाइफ इन्स्योरेन्सकी अध्यक्ष प्रेमा राज्यलक्ष्मी सिंहले बुधबार पद तथा गोपनियताको शपथ लिएकी छन् ।

सिंहलाई बीमा समितिका अध्यक्ष सूर्यप्रसाद सिलवालले एक कार्यक्रमका बीच शपथ ग्रहण गराएका हुन् ।

२९ फागुनमा भएको कम्पनीको ३३औं वार्षिक साधारण सभाले सिंहलाई सञ्चालक समितिको अध्यक्षमा पुनः निर्वाचित गरेको थियो ।

सपथ ग्रहण कार्यक्रममा बीमा समितिको अध्यक्ष सिलवालले सिंहको सफल कार्यकालका लागि शुभकामना व्यक्त गरेका थिए ।