२०७८ चैत ८ गते १६:२६ 
८ चैत, काडमाडौं । नेपालका प्रथम खेलकुद चिकित्सक अजय राणालाई संयुक्त रुपमा बजाज पल्सर स्पोर्टस अवार्ड–२०७७ मा स्पेसल अवार्ड प्रदान गरिएको छ ।
राखेप गठन भएपछि चिकित्सकका रुपमा नियुक्ति पाएका पहिलो व्यक्ति हुन्– डा. अजय राणा । उनी हकीका राष्ट्रिय खेलाडी तथा फुटबलका ए डिभिजन खेलाडी समेत हुन् ।
भारतमा खेलकुद चिकित्सा पढेर फर्किएपछि राखेपमा नियुक्ति पाएका उनले ३२ वर्ष खेल चिकित्सकको रुपमा विताए ।
राष्ट्रिय खेलकुद परिषदको खेल चिकित्सकका रुपमा जीवन व्यतीत गरी अजय राणाले अवकास पाएको पनि दशक पुग्न लागेको छ । तर खेलकुदमा अझै पनि विशेष अवस्थामा उनीसँगै परामर्श लिइन्छ । उनको अवकासपछि सरकारले खेल चिकित्सकका रुपमा स्थायी दरबन्दीमा कसैलाई नियुक्त गरेको छैन ।
उनले सन् १९८४ को पहिलो दक्षिण एसियाली खेलकुददेखि १३औं दक्षिण एसियाली खेलकुदसम्म नेपालको चिकित्सकीय सेवा प्रमुखको रुपमा काम गरे ।
प्रतिक्रिया 4