रिङ रेस्लिङको राष्ट्रिय च्याम्पियनसिप आउने शनिबार
२०७८ चैत १३ गते १७:२२ 
१३ चैत, काठमाडौं । नेपाल रिङ रेस्लिङ संघले पहिलो राष्ट्रिय च्याम्पियनसिप आयोजना गर्ने भएको छ ।
विश्व सम्पदा सूचीमा रहेको वसन्तपुर डवलीमा वैशाख १९ गते शनिबार प्रतियोगिता आयोजना हुनेछ ।
खेल पर्यटनको विकास तथा रिङ रेस्लिङको प्रचारप्रसारका लागि हेरिटेज रिङ रेस्लिङ प्रतियोगिता आयोजना गर्न लागिएको संघले जानकारी दिएको छ ।
संघका सिनियर खेलाडी तथाप्रशिक्षक नुवाकोटे टाइगर, चट्टान, डेभिड, साइन, टुप्पी ग्याङ, लेडी एन्जल, तन्नु, सिजेलगायत खेलाडीहरुबीच प्रतिस्पर्धा हुनेछ ।
प्रतियोगिताको हेवी वेट च्याम्पियनले १ लाख ५ हजार, कार्डकोर च्याम्पियनले ८५ हजार, मिडल वेट च्याम्पियनले ७५ हजार, ट्याग टिम च्याम्पियनसिपले ९५ हजार र लाइट वेट फिमेल च्याम्पियनले ६५ हजार रुपैयाँ पुरस्कार पाउनेछन् ।
१५ लाख लागख अनुमान गरिएको प्रतियोगितालाई काठमाडौं महानगरपालिका र टोखा नगरपालिकाले आर्थिक सहयोग गरेको छ ।
प्रतिक्रिया 4