१७ चैत, काठमाडौं। नेपाली कांग्रेसले प्रदेशलगायत विभिन्न तहका सभापतिहरुको संयोजकत्वमा स्थानीय तह निर्वाचन परिचालन समिति अविलम्व गठन गर्न परिपत्र गरेको छ ।
उपसभापति पूर्णबहादुर खड्का संयोजक रहेको स्थानीय तह निर्वाचन केन्द्रीय परिचालन समितिको बिहीबार बसेको बैठकले मातहतका संरचनालाई संसदीय, कार्यसम्पादन, अनुशासनलगायतका समिति गठन गर्न निर्देशन दिएको हो ।
यस्तै बैठकले स्थानीय चुनावको लागि जिम्मेवारी बाँडफाँड गरी निर्वाचनमा परिचालन हुन निर्देशन दिएको छ ।
बैठकमा पार्टी प्रवक्ता डा. प्रकाशशरण महत, नेताहरु सुरेन्द्रराज पाण्डे, शंकर भण्डारी, सीता गुरुङ, चिनकाजी श्रेष्ठ, लक्ष्मी परियार, योगेन्द्र चौधरी, सञ्जयकुमार गौतम, मधु आचार्य, जितजंग बस्नेत, नैनसिंह महर, दिलमान पाख्रिन, रामहरि खतिवडा, अञ्जनी श्रेष्ठ, रंगमती शाही, मञ्जुकुमारी यादव, सरस्वती अर्याल तिवारी, प्रतिमा गौतम, कुन्दनराज काफ्ले, हरिशरण नेपाली, नानु बास्तोला, जीवन रानाले आ-आफ्नो धारणा व्यक्त गरेका थिए।
प्रतिक्रिया 4