मतदानमा सहभागी हुन श्रमिकलाई महासंघको अपील

२८ वैशाख, काठमाडौं । नेपाल उद्योग वाणिज्य महासंघले देशभरका निजी क्षेत्रका उद्योग र प्रतिष्ठानमा कार्यरत श्रमिक कर्मचारीलाई मतदानमा सहभागी हुन अनुरोध गरेको छ ।

बुधबार एक विज्ञप्ति जारी गर्दै महासंघले श्रमिक र कर्मचारीलाई मतदानमा सहभागी हुने वातावरण मिलाउन उद्योगी र सञ्चालकलाई अनुरोध समेत गरेको छ ।

निर्वाचनका दिनमा सरकारले सार्वजनिक बिदा दिएको स्मरण गराउँदै महासंघले भनेको छ ‘निजी उद्योग र प्रतिष्ठानमा काम गर्ने श्रमिक र कर्मचारीलाई पनि निवार्मचनमा सहभागी हुने व्यवस्था मिलाउन महासंघ अनरोध गर्छ ।’