बुटवलको मतगणना राति १२ बजे सुरु हुने

३० वैशाख, बुटवल । बुटवल उपमहानगरपालिकामा मतगणना शुक्रबार राति १२ बजे सुरु हुने भएको छ । मतदान केन्द्रबाट मतपेटिका ल्याउने काम सकिएको र अब सर्वदलीय वैठक बसेर मतगणना सुरु गरिने बुटवलका निर्वाचन अधिकृत लेखनाथ पौडेलले बताए ।

मतगणनाका लागि गणकहरु तयारी अवस्थामा रहेकाले १२ बजे गणना सुरु हुने पौडेलको भनाइ छ । बुटवलमा कुल ९० हजार ४०४ मतदाता रहेकामा ६२ हजार १०१ मत खसेको छ । बुटवलको मेयरमा नेपाली कांग्रेसका खेलराज पाण्डे र एमालेका बाबुराम भट्टराईबीच मुख्य प्रतिस्पर्धा हुने देखिन्छ ।

१९ वटा वडा रहेको बुटवलमा वडा नं १ मा १९ हजार ६८,२ मा दुई ८७५, ३ मा तीन हजार ६१२, ४ मा तीन हजार ४६८ र ५ मा एक हजार २९६ मत खसेको छ । यस्तै वडा नं ६ मा दुई हजार ८०२, ७ मा चार हजार ५१८, ८ मा तीन हजार ४३०, ९ मा दुई हजार ८६४ र १० मा एक हजार ९७५ मत खसेको छ ।

वडा नं ११ मा १० हजार ३७१, १२ मा चार हजार २८०, १३ मा पाँच हजार ८६, १४ मा तीन हजार २६, १५ मा दुई हजार ६१७, १६ मा दुई हजार ११५, १७ मा दुई हजार ५९०, १८ मा एक हजार ६९९ र वडा नं १९ मा दुई हजार ५०९ मत खसेको छ ।