आयातको वृद्धिदरमा लाग्यो ‘ब्रेक’, चैतभन्दा वैशाखमा २० अर्ब कम

फाइल तस्वीर

६ जेठ, काठमाडौं । विलासी वस्तु आयातमा सरकारले गरेको कडाइका कारण वैशाख महिनामा नेपालको आयातको वृद्धिदरमा ‘ब्रेक’ लागेको छ । भन्सार विभागको तथ्यांक अनुसार चैत २०७८ को तुलनामा वैशाख २०७९ को एक महिनामा २० अर्ब रुपैयाँ कमको मात्र वस्तु आयात भएको छ ।

भन्सारको तथ्यांक अनुसार ०७८ चैतमा १५७ अर्ब बराबरको वस्तु आयात भएकोमा वैशाखमा घटेर १३७ अर्बमा सीमित भएको छ ।

विभागको तथ्यांक अनुसार सरकारले आयातमा कडाइ गरेपछि मोटरसाइकलको आयात घटेको छ । एमएस बिलेट, गहुँ, चिनी, डीएपी मल, सिमेन्ट क्लिङ्कर, स्वास्थ्य उपकरण, हातहतियार र धानको आयातसमेत केही घटेको छ ।

यसबीचमा डिजेल, पेट्रोल, एलपी ग्याँस, कच्चा पाम तेल, खोप, शुद्ध फलाम, सुन, भट्टमासको तेलको भने आयात बढेको छ ।

चालु आर्थिक वर्ष २०७८/७९ को १० महिना (०७८ साउनदेखि ०७९ वैशाख) सम्म कुल वस्तु आयात १६ खर्ब ४ अर्ब ६५ करोड रुपैयाँ बराबरको भएको छ । यो गत आर्थिक वर्षको यसै अवधिको तुलनामा २७.९५ प्रतिशत धेरै हो ।

गत आर्थिक वर्ष २०७७/७८ मा १२ खर्ब ५४ अर्ब ११ करोड रुपैयाँको वस्तु आयात भएको थियो ।

चालु आर्थिक वर्षको १० महिनामा नेपालबाट एक खर्ब ७३ अर्ब ३४ करोड रुपैयाँको वस्तु निर्यात भएको छ । गत वर्षको यसै अवधिमा भने १ खर्ब ८ अर्ब रुपैयाँको निर्यात भइको थियो । नेपालबाट हुने निर्यात ५९.८ प्रतिशत रहे पनि अत्यधिक आयात हुने भएका कारण ब्यापार घाटा सन्तुलनका लागि यसले ठूलो भूमिका खेल्न सकेको छैन ।

राजस्व बढ्यो

कुल वैदेशिक व्यापारमा भएको वृद्धिले चालु आर्थिक वर्षको १० औं महिनासम्म भन्सार राजस्व संकलन केही बढेको छ । यस अवधिमा कुल ४ खर्ब २५ अर्ब ६२ करोड रुपैयाँ भन्सार राजस्व संकलन भएको छ । गत आर्थिक वर्षको यसै अवधिमा भन्सार राजस्व ३ खर्ब ७१ अर्ब २५ करोड रुपैयाँ संकलन भएको थियो ।

यी हुन् धेरै आयात भएका १० वस्तु

१. डिजेल : १ खर्ब २३ अर्ब ७० करोड रुपैयाँ

२. पेट्रोल : ५४ अर्ब ८३ करोड रुपैयाँ

३. एलपी ग्याँस : ५२ अर्ब १ करोड रुपैयाँ

४. भटमासको कच्चा तेल : ४९ अर्ब ४१ करोड रुपैयाँ

५. एमएस बिलेट : ४३ अर्ब ५८ करोड रुपैयाँ

६. मोबाइल टेलिफोन : ३६ अर्ब ९४ करोड रुपैयाँ

७. सुन : ३५ अर्ब ७७ करोड रुपैयाँ

८. कच्चा पाम तेल : ३४ अर्ब ७४ करोड

९. एचआर सीट : ३२ अर्ब ३८ करोड

१०. भ्याक्सिन : ३२ अर्ब ६ करोड

धेरै निर्यात हुने १० वस्तु