यस वर्षदेखि ह्वावे क्लाउड इन्डोनेसियामा पनि सुरु हुने

काठमाडौं । ह्वावे क्लाउड एसिया प्यासिफिक (एपेक) मा सबैभन्दा छिटो सेवा दिने क्लाउड प्रदायक बन्न सफल भएको छ । टेक दिग्गजले यस वर्षको अन्त्यमा इन्डोनेसियामा ह्वावे क्लाउड क्षेत्र पनि जारी गर्दैछ। एसिया-प्यासिफिक डिजिटल इनोभेसन महासभा सिंगापुरमा १९ मे उद्घाटन गरिएको थियो ।

कार्यक्रममा, हुवावेले एशियन फाउन्डेसनसँग ग्राहकहरू, विशेषज्ञहरू, विद्वानहरू र विश्लेषकहरूसँग डिजिटल अर्थतन्त्र र उद्योगबारे छलफल भएको थियो । ‘क्लाउड सर्भिस’ उद्योग फोरममा ह्वावे क्लाउडको ग्लोबल मार्केटिङ र सेल्स सर्भिसकी अध्यक्ष ज्याकलिन शीले मुख्य मन्तव्य राखेकी थिइन् ।

समान भ्यालु र व्यापारिक रणनीतिका साथ इम्बेड गरिएको ह्वावे क्लाउडले ‘एसिया-प्यासिफिकमा, एसिया-प्यासिफिकका लागि’ प्रतिबद्धतालाई साकार पार्न विश्वसनीय र इनोभेटिभ क्लाउड सेवाहरू सिर्जना गर्न जारी राखेको कम्पनीले जारी गरेको विज्ञप्तिमा उल्लेख छ ।

ह्वावे क्लाउड एसिया-प्यासिफिकका अध्यक्ष जेगं छिगंयुनले २०२१ मा ह्वावे क्लाउडको द्रुत वृद्धि र एसिया-प्यासिफिक बजारमा स्थानीयकृत सेवाहरूमा यसका फाइदाबारे समीक्षा गरेका थिए ।

ह्वावे क्लाउड २०१८ देखि एसिया-प्यासिफिकमा सञ्चालन भइरहेको छ । चार वर्षको विकास पछि ह्वावे क्लाउड चीनमा नम्बर २, थाइल्याण्डमा ३ र एसिया-प्यासिफिकको विकासशील बजारहरूमा ४ नम्बरमा उक्लिएको छ, क्षेत्रको शीर्ष ५ फ्रन्टरनरहरू बीच सबै भन्दा द्रुत गतिमा विकास भएको क्लाउड प्रदायक भएको छ ।

ह्वावे क्लाउड क्षेत्र हङकङ (चीन), सिंगापुर, थाइल्याण्ड र मलेसियामा लञ्च गरिएको छ। फिलिपिन्स, भियतनाम, भारत, जापान र दक्षिण कोरियामा तैनाथ हुने एक्सेस पोइन्टहरू सहित यो यहि वर्ष इन्डोनेसियामा पनि सुरु गरिनेछ ।