२०७९ जेठ १८ गते २१:२१ 
१८ जेठ, काठमाडौं । एसियन क्रिकेट काउन्सिल (एसीसी) को आयोजनामा एसीसी महिला टी-२० च्याम्पियनसिप यही जुन १७ (असार ३ गते) देखि मलेसियामा हुने भएको छ ।
एसीसीले बुधबार प्रतियोगिताको मिति र खेल्ने टिमसहित खेलतालिका पनि सार्वजनिक गरेको छ । जसमा आयोजक नेपालसहित ८ राष्ट्रले खेल्नेछन् ।
सहभागी टिमलाई दुई समूहमा विभाजन गरिएको छ । नेपाल, हङकङ, कुवेत, भुटान र बहराइन समूह बी मा छन् । यस्तै युएई,मलेसिया, ओमान, कतार र सिंगापुर छन् ।
नेपालले आफ्नो पहिलो खेल भुटानसँग जुन १७ मा युएसडी युकेएम ओभलमा खेल्नेछ । यस्तै कुवेतसँग जुन १८, बहराइनसँग जुन २० र हङकङसँग जुन २१ मा खेल्नेछ ।
दुवै समूहको शीर्ष दुई टिम सेमिफाइनल प्रवेश गर्नेछन् । सेमिफाइनलको दुवै खेल जुन २४ मा हुनेछ भने फाइनल खेल जुन २५ मा हुनेछ ।
प्रतिक्रिया 4