२०७९ असार २३ गते १५:२६ 
२३ असार, काठमाडौं । म्यानचेष्टर सिटीका फरवार्ड रहिम स्टर्लिङ चेल्सी जाने भएका छन् । स्टर्लिङले चेल्सी जाने विषयमा सहमति जनाएको बीबीसीले उल्लेख गरेको छ ।
२७ वर्षीय स्टर्लिङको सिटीमा अझै एक वर्ष सम्झौता बाँकी छ । मुख्य क्लबहरुले चासो देखाइरहेका बेला उनलाई अनुबन्ध गर्न चेल्सी अघि बढेको हो ।
सिटीले स्टर्लिङलाई सन् २०१५ मा लिभरपुलबाट ४९ मिलयन पाउण्डमा अनुबन्ध गरेको थियो । सिटीमा उनले ३३९ खेल खेल्दै १३१ गोल गरेका छन् ।
स्टर्लिङ चेल्सीमा अनुबन्ध भए चेल्सीको पहिलो प्रमुख अनुबन्ध हुनेछ ।
बीबीसीले यस अनुबन्ध केही समयपछि हुने र प्रि सिजनका लागि अमेरिका भ्रमणमा निस्कनुअघि नै स्टर्लिङ चेल्सीको टिममा रहने उल्लेख गरेको छ ।
यस्तै ट्रान्सफर बजारका विज्ञ फाब्रिजियो रोमानोले पनि स्टर्लिङलाई अनुबन्ध गर्ने विषयमा चेल्सीले सिटीसँग सम्पर्क गरेको र ४५ मिलियन पाउण्डमा अनुबन्ध नजिक पुगेको जनाएका छन् ।
एर्लिङ हालान्ड र जुलियन अल्भारेजको आगमन अनी पिल फोडेन, ज्याक ग्रेलिस र रियाद महारेज जस्ता खेलाडी लयमा हुँदा पेप ग्वार्डिओलाको टिममा पहिलो रोजाइमा पर्न धेरै प्रतिस्पर्धा हुनेछ ।
प्रतिक्रिया 4