चेल्सीका प्रशिक्षक टुचेल भन्छन् : हामी मात्र जित्न लायक थियौं
२०७९ साउन ३० गते १४:२२ 
३० साउन, काठमाडौं । चेल्सीका प्रशिक्षक थोमस टुचेलले टोटनहम विरुद्धको खेलमा आफ्नो टिम मात्र जितको लायक भएको बताएका छन् ।
स्टामफोर्ड ब्रिजमा भएको लण्डन डर्बी खेलमा चेल्सीले दुई पटक अग्रता लिएर पनि बराबरीमा चित्त बुझाउनुपरको थियो । ह्यारी केनले इन्जुरी टाइमको छैटौँ मिनेटमा गोल गरेपछि खेल २-२ को बराबरीमा सकिएको थियो ।
‘मेरो विचारमा टोटनहमको दुवै गोल नहुनुपर्ने थियो । भीएआरको समयमा यो स्वीकार गर्न गाह्रो छ’, टुचेलले खेलपछि बीबीसी स्पोर्ट्सलाई भने, ‘म यो भन्दा माफी चाहन्छु तर आज निर्णायक भूमिका रेफ्रीको थियो, अरू कोही छैन ।’
टुचेलले टोटनहमको दुवै गोलले मान्ता नपाउनुपर्ने बताए । ‘पहिलो गोल अघि काईमाथि स्पष्ट फल थियो । रिचालिर्सन अफसाइड थिए । तपाईँ कहिले फुटबल मैदानमा कपला तान्न सक्नुहुन्छ,’ टुचेलले भने, ‘म बुझ्न सक्दिन कि पहिलो गोल कसरी अफसाइड होइन र म बुझ्न सक्दिन कि खेलाडीहरूले कसरी अरूको कपाल तान्छन् र पनि पिचमा रहन सक्छन् । यो मेरो लागि कुनै स्पष्टीकरण बिना हो र म कुनै पनि स्वीकार गर्न चाहन्न ।’
टुचेलले यस खेल खेलाउने रेफ्री एन्टोनी टेललाई चेल्सीका भविष्यका खेलहरू नखेलाउन सुझाव पनि दिए। ‘मलाई लाग्दैन कि केवल केही समर्थकले यो सोच्छन् । म तपाईंलाई आश्वस्त पार्न सक्छु कि हामी सबै ड्रेसिङ रुम, प्रत्येक व्यक्तिले यस्तै सोच्दछ, ’उनले थपे ।
दुई प्रशिक्षकको लफडा
खेलमा दुई टिमको नतिजा भन्दा पनि दुई प्रशिक्षकको लफडाले सबैको ध्यान तानेको थियो । चेल्सीका प्रशिक्षक टुचेल र टोटनहमका प्रशिक्षक एन्टोनियो कोन्टे हेड टु हेड, फेस टु फेस र नोज टु नोज भएका थिए । उनीहरुको लफडा यतिसम्म भयो कि खेल सकिँदा दुवै टिमका प्रशिक्षकले रातो कार्ड पाए ।
‘तापक्रमबाट तातो थियो, बेञ्चहरू बीच तातो, मैदानमा तातो र दर्शकहरू बीचको तातो- सिजनको सुरुमा यस्तो खालको खेलमा तपाईंले चाहनुहुने र अपेक्षा गरेको सबै कुरा,’ टुचेलले मुस्कुराउँदै भने ।
खेलपछि हात मिलाउन क्रममा पनि दुई प्रशिक्षकबीच लफडा भएको थियो । हात मिलाउँदा कोन्टेले आफ्नो अनुहारमा नहेरेको टुचेलले आरोप लगाए । ‘मेरो विचारमा हात मिलाउँदा एक अर्काको आँखामा हेर्नुपर्छ । उनको परक विचार थियो’, ४८ वर्षीय जर्मन टुचेलले भने ।
यद्यपी कोन्टेले भने यस विषयमा प्रतिक्रिया दिन चाहेनन् । ‘यदि त्यहाँ समस्या भए यो हामी दुईबीच थियो,’ कोन्टेले भने, ‘मलाई लाग्छ कि जे भयो, हामीले रमाइलो गर्यौं । अर्को पटक म थप ध्यान दिनेछु, हात मिलाउनुहोस् र समस्या समाधान गर्नुहोस् । म मेरो बेञ्चमा बस्नेछु, ऊ उसको बेञ्चमा बस्नेछ ।’
प्रतिक्रिया 4