एनएमबि हाइब्रिड फन्ड एल–१ र एनएमबि-५० को लाभांश सुरक्षित गर्ने आज अन्तिम दिन

काठमाडौं । सोमबारसम्म कायम इकाइधनीले मात्रै एनएमबि हाइब्रिड फन्ड एल–१ र एनएमबि-५० को लाभांश प्राप्त गर्नेछन् ।

एनएमबि म्युचुअल फन्ड अन्तर्गत एनएमबि क्यापिटल लिमिटेड योजना व्यवस्थापक रहेको एनएमबि हाइब्रिड फन्ड एल–१ र एनएमबि फिप्टिको प्रस्तावित लाभांश सोमबारसम्म कायम इकाधन प्राप्त गर्नेछन् ।

दुवै फन्डले आर्थिक वर्ष २०७८/७९ का लागि योजनाको इकाइधनीहरुलाई क्रमशः २१.०५२६३ प्रतिशत नगद लाभांश घोषणा गरेको छ । योजनाको लाभांश वितरण प्रयोजनार्थ ३१ साउन २०७९ को लागि बुक क्लोज मिति तय भएको छ ।

सोही अनुसार ३० साउन सोमबारसम्म नेप्सेमा कारोबार भई कायम इकाईधनीहरुले मात्र लाभांश प्रापत गर्नेछन् ।

दुवै म्युचुअल फन्डको विगतको लाभांश विवरणः

एनएमबि हाइब्रिड फण्ड एल – १		एनएमबि-५०
आव	प्रतिशत (%)	आव	प्रतिशत (%)
०७५/७६	१०.००	०७६/७७	५.००
०७६/७७	८.००	०७७/७८	३०.००
०७७/७८	२०.००	०७८/७९	२१.०५
०७८/७९	२१.०५

एनएमबि क्यापिलले २६ साउनदेखि पाँचौं म्युचुअल फन्ड योजना ‘एनएमबि सुलभ इन्भेष्टमेन्ट फण्ड–२’ निष्कासन गरिसकेको । उक्त योजनाको निष्कासन छिट्टोमा ३१ साउन र ढिलोमा ९ भदौसम्म आवेदन दिन सकिने जनाएको छ ।