काठमाडौं । शुक्रबार पुनः प्रदर्शनको तयारीमा रहेको हलिउड सुपरहिरो फिल्म ‘स्पाइडरम्यान : नो वे होम’को नेपाल प्रदर्शन रोकिएको छ । १० मिनेटको नयाँ दृश्य थपिएर विश्वभर पुनः प्रदर्शन हुन लागेको फिल्म शुक्रबार नेपालमा पनि आउन लागेको थियो ।
तर शो र सेयर बाँडफाँटमा वितरक र मल्टिप्लेक्सबीच सहमति नजुटेपछि हलिउड स्टुडियो सोनी पछि हटेको हो । कम शो र सेयरमा मतैक्य नभएपछि सोनीले नेपालको आफ्नो वितरक एप्पल इन्टरटेनमेन्टलाई पछि हट्न भनेको हो ।
क्यूएफएक्स कम शोमा पनि रिलिजका लागि तयार भए पनि सोनीले प्रदर्शन अनुमति नदिएको हो । टम हल्याण्ड स्टारर यो फिल्मले अघिल्लो रिलिजको बेला ७ करोड ३० लाख रुपैयाँ ग्रस कमाएको थियो ।
‘स्पाइडरम्यान’ नआउने भएपछि शुक्रबार दुई नेपाली फिल्म झिंगेदाउ र सम्हालिन्छ कहिले मन मात्र प्रदर्शन हुने भएका छन् । अब यी दुई फिल्मसहित अहिले चलिरहेको फिल्म प्रकाशलाई केही राहत मिलेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4