२०७९ भदौ २४ गते २०:०० 
२४ भदौ, काठमाडौं । ऐतिहासिक जितसहित भुटान साफ महिला च्याम्पियनसिपको सेमिफाइनलमा पुगेको छ ।
भुटानको महिला फुटबलको इतिहासमै पहिलो जित दर्ता गर्ने क्रममा दशरथ रंगशालामा श्रीलंकालाई ५-० को फराकिलो अन्तरले हरायो ।
सन् २०१० को पहिलो साफमा श्रीलंकासँग १-१ को बराबरी खेलेको भुटानले त्यसअघिका र पछिका सबै खेल हार्दै आएको थियो ।
दशरथ रंगशालामा भएको खेलमा भुटानलाई जिताउने क्रममा लाजोम डिकीले २ तथा डेमा नम्गेल, छिरिङ लादेन र छिरिङ याङ्देन १-१ गोल गरे । भुटानले यसअघि साफ च्याम्पियनसिपको कुनै पनि खेलमा क्लिनसिट राख्न सकेको थिएन ।
यो समूहअब नेपालले सोमबार श्रीलंकासँग खेल्ने छ । श्रीलंकासँगको खेल २ गोलको अन्तरले हारे पनि नेपाल फाइनलमा पुग्ने छ । श्रीलंकालाई भने सेमिफाइनलमा पुग्न नेपालमाथि ४ गोल अन्तरको जीत आवश्यक छ ।
प्रतिक्रिया 4