२०७९ असोज ४ गते १४:१९ 
४ असोज, काठमाडौं । लिभरपुलका कप्तान जोर्डन हेन्डरसनले इंग्ल्याण्डको राष्ट्रिय टिममा पुनरागमन गरेका छन् ।
नेशन्स लिगमा इटाली र जर्मनीसँगको खेलका लागि उनी राष्ट्रिय टिममा सामेल भएका हुन् । इंग्ल्याण्डले घरेलु मैदानमा सोमबार युरोपियन च्याम्पियन इटालीसँग खेल्ने छ ।
३२ वर्षीय हेन्डरसन चोटका कारण ग्रेथ साउथगेटको सुरुवाती टिममा पर्न सकेका थिएनन् । अहिले चोट निको भएकाले उनी टोलीमा अटाएका हुन् ।
इंग्ल्याण्डका मिडफिल्डर हेन्डरसनले देशका लागि ६९ खेल खेलेका छन् । उनले २०२२ मा इङ्ल्यान्डको टिमबाट एउटा मात्रै खेल खेल्ने मौका पाएका छन् ।
मार्चमा वेम्लेमा उनी स्विट्जरल्यान्डविरुद्धको मैत्रीपूर्ण खेलमा मैदान उत्रिएका थिए ।
प्रतिक्रिया 4