एमाले–जसपा सहमति, प्रतिनिधि सभाका १७ सिट जसपालाई

२२ असोज, काठमाडौं । नेकपा एमाले र जनता समाजवादी पार्टी (जसपा)बीच १४ जिल्लामा चुनावी तालमेलको सहमति भएको छ । मधेस प्रदेशका ८ जिल्ला, प्रदेश १ को मोरङ र सुनसरी तथा लुम्बिनी प्रदेशको नवलपरासी पश्चिम, रुपन्देही र कपिलवस्तु तथा सुदूरपश्चिमको कैलालीमा तालमेलको सहमति भएको हो ।

यसअनुसार यी जिल्लामा प्रतिनिधिसभाका ३५ सिट एमालेले लिनेछ भने जसपाले १७ सिट लिने भएको छ । प्रतिनिधिसभाको ५ क्षेत्र भने कुन दलले लिने टुंगिएको छैन । धनुषा २, महोत्तरी २, रौतहट १, बारा ३ र रुपन्देही ५ दुबै दलको भागमा परेको छैन । एक नेताका अनुसार यस क्षेत्रमा मित्रबत प्रतिस्पर्धा हुनेछ ।

प्रदेशसभातर्फ एमालेले ७० सिट पाउने छ भने जसपाले ४२ सिट लिएको छ ।

एमाले अध्यक्ष केपी शर्मा ओली र जसपा अध्यक्ष उपेन्द्र यादवले हस्ताक्षर गरेको सहमति पत्रमा भनिएको छ, ‘तालमेल भएका उपरोक्त निर्वाचन क्षेत्रहरु बाहेक अन्य निर्वाचन क्षेत्रहरुमा दुबै पार्टीले उम्मेदवार दिन सक्ने र यो सहकार्य निर्वाचनपछि पनि निरन्तर रहने सहमति गरियो ।’

जिल्ला	एमाले		जसपा
जिल्ला	प्रतिनिधिसभा	प्रदेशसभा	प्रतिनिधिसभा	प्रदेशसभा
मोरङ	१,२,३,४ र ६	१(क), १(ख), २(क), २(ख), ३(क), ३(ख), ४(क), ४(ख), ५(क) र ५ (ख)	५	४(ख), ५(ख), ६(ख)
सुनसरी	२,३ र ४	१ (क), १(ख), २(क), २(ख), ३(क), ३(ख) र ४(ख)	१	४(क)
सप्तरी	३	१(क), ३(क) र ४(ख)	१, २ र ४	१(ख), २(क), २(ख), ३(ख) र ४ (ख)
सिरहा	१ र ३	१(क), २(ख), ३(क) र ४ (क)	२ र ४	१(ख), २(क), ३(ख) र ४(ख)
धनुषा	३ र ४	१(क), ३(ख) र ४ (ख)	१	१(क), ३ (ख) र ४ (क)
महोत्तरी	१	१(क), २(ख), ३(ख) र ४ (क)	३ र ४	१(क), २(क), ३(ख) र ४ (ख)
सर्लाही	२ र ३	१(ख), २(क), ३(क) र ४ (क)	१ र ४	१(क), २(ख), ३(ख) र ४(ख)
रौतहट	३ र ४	१(क), २(क), ३(ख) र ४ (क)	२	१(क), २(ख), ३(क) र ४ (ख)
बारा	१ र ४	१(क), २(क), ३(क) र ४(क)	२	१(ख), २(ख), ३(ख) र ४ (ख)
पर्सा	३ र ४	१(क), २(ख), ३(क) र ४ (क)	१ र २	१(ख), २(क), ३(ख) र ४ (ख)
नवलपरासी पश्चिम	१ र २	१(क), १(ख) र २ (क)		२(ख)
रुपन्देही	१,२ र ३	१(क), १(ख), २(क), २(ख), ३(ख), ४(क), ५(क) र ५(ख)	४	३(क) र ४ (ख)
कपिलवस्तु	१,२ र ३	१(क), २(क), २(ख), ३(क)		१(ख) र ३ (ख)
कैलाली	१,२,३,४ र ५	१(क), २(क), २(ख), ३(क), ३(ख), ४(क), ४(ख), ५ (क) र ५ (ख)		१(ख)