२०७९ असोज २५ गते १८:०८ 
२५ असोज, काठमाडौं । चेल्सीका मिडफिल्डर एन्जोलो कान्टे सहित तीन मुख्य खेलाडीले च्याम्पियन्स लिगमा मंगलबार हुने एसी मिलानसँगको खेल गुमाउने भएका छन् ।
कान्टे सहित हाकिम जीएज र फोफानाले एसी मिलानसँगको खेल गुमाउने भएका हुन् ।
चेल्सीका तीन महत्वपूर्ण खेलाडीले मंगलबार एसी मिलानसँगको खेलअघि हुने अभ्यासमा टिममा सहभागिता जनाएका थिएनन् ।
कान्टेलाई मांशपेशीमा समस्या भएका कारण उनी यस खेलमा पनि मैदान नफर्किने भएका हुन् ।
फोफना भने घरेलु प्रतियोगितामा घुँडामा चोट लाग्दा खेलको ३८ औं मिनेटमा नै वैशाखीको सहयोगमा मैदान छोड्न बाध्य भएका थिए । उनी अझै एक महिना मैदान बाहिर रहने छन् । जिएज भने दाहिने पाखुराको चोटका कारण यस खेलमा मैदान बाहिर रहने भएका हुन् ।
प्रतिक्रिया 4