२०७९ असोज ३० गते १५:३१ 
३० असोज, म्याग्दी । नवौं राष्ट्रिय खेलकुद प्रतियोगिता अन्तरगत म्याग्दीको बेनीमा जारी महिला भलिबलमा एपीएफले त्रिभुवन आर्मीलाई पराजित गरेको हो ।
बेनीको खुल्ला मञ्च खेलमैदानमा भएको प्रतिस्पर्धामा एपीएफले सेनालाई ३-१ को सेटमा पराजित गरेको हो ।
विनिता बुढाथोकीको कप्तानीमा मैदानमा उत्रिएको एपीएफले सेनालाई पहिलो सेट २५–२०, तेस्रो २५–२१ र चौथो सेट २५–२३ मा पराजित गरेको थियो ।
एपीएफ विरुद्ध २५–१९ ले दोस्रो सेट जितेको मनिषा खाणको नेतृत्वमा रहेको सेनाको टोलीले उत्कृष्ट प्रदर्शन र कडा प्रतिस्पर्धा गरे पनि तेस्रो र चौथो सेट आफ्नो पक्षमा पार्न सकेनन् ।
तीन टिम रहेको समूह ए बाट शसस्त्र र त्रिभुवन आर्मी क्वाटर फाइनल प्रवेश गरेको भलिबलका राष्ट्रिय रेफ्रि विनय राईले जानकारी दिए । क्वाटर फाइनलमा समूह ए को बिजेता एपीएफ र समुह सी को उपविजेता लुम्बनी प्रदेश भिड्ने छन् ।
यसैगरी समूह सी को विजेता नेपाल पुलिस क्लबले समूह ए को उपविजेता आर्मीसँग प्रतिस्पर्धा गर्नेछ ।
प्रतिक्रिया 4