२०७९ कात्तिक २९ गते १७:४२ 
२९ कात्तिक, काठमाडौं । अखिल नेपाल फुटबल संघ एन्फो ब्लड क्यान्सरपीडित राष्ट्रिय फुटबलर प्रिजेन तामाङको उपचार सहयोगका लागि ३ लाख रुपैयाँ उपलब्ध गराउने निर्णय गरेको छ ।
एन्फा मुख्यालय सातदोवाटोमा मंगलबार बसेको बैठकले १३औं सागको स्वर्ण विजेता स्ट्राइकर प्रिजेनको उपचारका लागि नगद सहयोग गर्ने निर्णय गरेको हो ।
दुई महिनाअघि क्यान्सर पत्ता लागेका प्रिजेनको उपचार भारतको नयाँदिल्लीस्थित एपोलो अस्पतालमा भइरहेको छ ।
नेपालको उमेर समूहको राष्ट्रिय टिमबाट खेलिसकेका प्रिजेन क्लब फुटबलमा स्थापित खेलाडी हुन् ।
प्रतिक्रिया 4