झापा ४ मा एमालेका साँवालाई फराकिलो अग्रता, घण्टी तेस्रो, खुश्बु चौथो

८ मंसिर, झापा । झापा क्षेत्र नं. ४ मा नेकपा एमालेका उम्मेदवार एलपी साँवा लिम्बुले अग्रता फराकिलो बनाउँदै लगेका छन् ।

बिहीबार बिहान प्राप्त मत परिणाम अनुसार साँवाले ५ हजार ९८५ मतले अग्रता कायम गरेका छन् । उनले २६ हजार ७१० मत ल्याउँदा निकटम प्रतिद्वन्द्वी नेपाली कांग्रेसका देउमान थेबेले २० हजार ७२५ मत ल्याएका छन् ।

तेस्रो स्थानमा रहेका राष्ट्रिय स्वतन्त्र पार्टीका उम्मेदवार शम्भुप्रसाद ढकालले १२ हजार ६०१ मत ल्याएका छन् । चौथोमा रहेकी स्वतन्त्र उम्मेदवार खुश्बु ओलीले ४ हजार ४६४ मत ल्याएकी छन् ।

हाम्रो नेपाल पार्टीको लौरो चुनाव चिह्न लिएर उम्मेदवारी दिएका युक्त भेटवालले ८९२ मत ल्याएका छन् ।