तेक्वान्दो खेलाडी शेरबहादुरलाई खेलाडी कल्याणकारी कोषबाट उपचार सहयोग

२९ मंसिर, काठमाडौं । कलेजोको रोगबाट पीडित तेक्वान्दोका पूर्व राष्ट्रिय खेलाडी शेरबहादुर सिंहलाई राष्ट्रिय खेलाडी कल्याणकारी कोष र राष्ट्रिय खेलकुद परिषद् (राखेप) आर्थिक सहयोग प्रदान गरेको छ ।

भारतको नयाँदिल्लीमा उपचाररत कैलालीका सिंहलाई कोषले २ लाख र परिषद्ले ३ लाख गरी नगद ५ लाख प्रदान गरेको कोषका सचिव समेत रहेका नेपाल राष्ट्रिय तथा अन्तराष्ट्रिय खेलाडी संघका अध्यक्ष दीपक श्रेष्ठले जानकारी दिए।

कोषका अध्यक्ष राखेप सदस्य सचिव टंकलाल घिसिङले नेपाल तेक्वान्दोका मुख्य प्रशिक्षक नवीन श्रेष्ठलाई ५ लाखको चेक बिहीबार हस्तारन्तरण गरे ।

सिंहको उपचार दिल्लीस्थित नारायण सुपरस्पेसियलिस्ट अस्पतालमा भइरहेको उनको कलेजो प्रत्यारोपण गर्नुपर्नेछ । चिकित्सकका अनुसार सिंहलाई क्रोनिक लिभर डिजिज सिरोसिस भएको हो ।