‘मिसन इम्पोसिबल’ टिजर : अभिनेता टम क्रुजले जब जहाज र भीरबाट हामफाले

काठमाडौं । हलिउड अभिनेता टम क्रुजले आगामी फिल्म ‘मिसन इम्पोसिबल’को छायांकनका केही भिडियो सार्वजनिक गरेका छन् जसमा केही खतरनाक स्टन्ट दृश्य देख्न सकिन्छ ।

उनको यो एक्सनलाई हलिउडकै अहिलेसम्मको खतरनाक स्टन्ट मानिएको छ । क्रुज स्वयमले यो श्रृंखलाका अघिल्ला फिल्ममा मृत्युसँग लुकामारी गर्ने खालका दृश्य पस्किएका थिए ।

उनी ‘मिसन इम्पोसिबल’ शृंखलाको आगामी सातौं श्रृंखलामा मोटरसाइकलको साथ ठाडो चट्टानबाट हाम फालेको देखिनेछ । फिल्मको पहिलो टिजरमा उक्त दृश्यको झलक देखाइएको छ ।

So excited to share what we’ve been working on. #MissionImpossible pic.twitter.com/rIyiLzQdMG

— Tom Cruise (@TomCruise) December 19, 2022

यो भिडियोमा क्रुजले उक्त दृश्यका लागि आफूलाई कसरी तयारी गरे भन्ने देखाउँछ । भिडियोमा अभिनेता क्रुजको आवाज पनि समावेश छन् ।

उनी भन्छन्, ‘यो दृश्य हामीले अहिलेसम्म प्रयास गरेको सबैभन्दा खतरनाक एक्सन थियो । यसका लागि हामीले मोटरसाइकलबाट चट्टानमाथि हामफालेर बेसक्याम्पमा पुग्नुपर्ने हुन्छ । सानैदेखि नै मैले यस्तो दृश्य गर्न चाहन्थेँ ।’

A special message from the set of #MissionImpossible @MissionFilm pic.twitter.com/sfnWWluLyl

— Tom Cruise (@TomCruise) December 18, 2022

भिडियोमा निर्देशक क्रिस्टोफर म्याक्वेरीले पनि भनेका छन्, ‘टमले यो मास्टर प्लानलाई पूर्णता दिन सबै विशेषज्ञलाई सँगै राखेर सहकार्य गर्न चाहेका छन् ।’

प्रशिक्षक र विज्ञले यो स्टन्टका लागि टम क्रुजले एकवर्ष बेस जम्पिङ र क्यानोपी तालिम लिएको जानकारी दिए । ती दृश्यमा क्रुजले विशेषज्ञसँग हवाईजहाजबाट हाम फालेको देखाउँछ ।