२०७९ पुष १५ गते १६:३० 
१५ पुस, काठमाडौं । बंगलादेशमा आयोजित सेन्ट्रल एसियन जोन बिच भलिबल प्रतियोगितामा नेपालले रजत पदक जितेको छ ।
कक्सबजारस्थित डल्फिन कोर्टमा शुक्रबार भएको फाइनलमा माल्दिभ्ससँग २–० को सेटमा पराजित भएपछि नेपाल उपाधि जित्न चुकेको हो ।
मानबहादुर श्रेष्ठ र दिलबहादुर सुनारसम्मिलित नेपाली टिमले माल्दिभ्सका एडम नासिम र स्मेल सम्मिलित टिमसँग २१–१३ र २१–१९ ले पराजित भएको हो ।
किर्गिस्तानलाई २-० कै सोझो सेटमा पराजित गरी आयोजक बंगलादेशले कांश्य पदक जितेको छ । प्रतियोगितामा पुरुषतर्फ नेपाल, बंगलादेश, माल्दिभ्स, किर्गिस्तान र भुटानको सहभागिता थियो ।
महिलातर्फ विहीबार भएको फाइनलमा श्रीलंकासँग पराजित भएपछि नेपाली टिमले राजत पदक जितेको थियो । नेपालबाट भेट्रान खेलाडीहरु कोपिला उप्रेती र कमला पुन सहभागी थिए ।
उपविजेता बनेको दुवै नेपाली टिमले ३५० अमेरिकी डलर पुरस्कार पाएको छ । नेपाली टिम शनिबार स्वदेश फर्किनेछ ।
प्रतिक्रिया 4