राष्ट्रिय सभाका उपाध्यक्षको चुनावबारे अध्यक्षले गरे प्रधानमन्त्रीसँग छलफल

१९ पुस, काठमाडौं । प्रधानमन्त्री पुष्पकमल दाहाल प्रचण्ड र राष्ट्रिय सभाका अध्यक्ष गणेशप्रसाद तिमिल्सिनाबिच भेटवार्ता भएको छ ।

भेटमा राष्ट्रिय सभामा रिक्त उपाध्यक्ष र रिक्त १ सदस्यको चुनावका बारेमा कुराकानी भएको  छ ।

भेटमा तिमिल्सिनाले कोरला नाकामा भन्सारका लागि आवश्यक पूर्वाधार निर्माणमा बजेट विनियोजन गरि पूर्वाधार निर्माण गर्नुपर्नेमा जोड दिएका छन् ।

तिमिल्सिनाले केही दिनअघि कोरलाको भ्रमण गरेका थिए ।

यस्तै भेटमा राष्ट्रिय सभाबाट पारित ५ वटा विधेयककाबारेमा पनि छलफल भएको तिमिल्सिनाको सचिवालयले जनाएको छ ।