२०७९ माघ १६ गते ८:४५ 
१६ माघ, काठमाडौं । इटालियन सिरी ए को शीर्ष स्थानमा रहेको नापोलीले रोमालाई २-१ ले पराजित गर्दै अग्रता फराकिलो बनाएको छ ।
दोस्रो स्थानको इन्टरमाथि १३ अंकको अग्रता बनाएको नापोलीले उपाधि होड बलियो बनाएको छ ।
जिओभानी सिमओनीले खेलको अन्त्यतिर निर्णायक गोल गरेपछि नापोलीले तीन अंक जोडेको हो ।त्यसअघि खेलको १७ औं मिनेटमा भिक्टरले ओसिमहेनले गोल गर्दै नापोलीलाई अग्रता दिलाएका थिए ।
रोमाका स्टेफान अल सारावेले ७५औं मिनेटमा गोल गर्दै खेल १-१ को बराबरीमा ल्याए । तर खेल सकिन चार मिनेट बाँही हुँदा जिओभानीले गोल गरेपछि नापोलीले जित निकालेको हो ।
जितपछि नापोलीको २० खेलबाट ५३ अंक छ । समान खेलबाट ४० अंकसहित इन्टर दोस्रो स्थानमा छ ।
छैटौं स्थानमा रहेको रोमाको ३७ अंक छ ।
प्रतिक्रिया 4