२०७९ फागुन ११ गते १८:०९ 
११ फागुन, काठमाडौं । खेलकुद क्षेत्रको प्रतिष्ठित अवार्ड एनएसजेएफ पल्सर स्पोर्ट्स अवार्ड २०७८ लाई प्लाजा होटल ग्रुपले सहप्रायोजन गर्ने भएको छ ।
यस सम्बन्धी सम्झौतामा नेपाल खेलकुद पत्रकार मञ्चका कार्यबाहक अध्यक्ष निरञ्जन अधिकारी र प्लाजा होटल ग्रुपका प्रबन्ध निर्देशक युवराज श्रेष्ठबीच हस्ताक्षर भएको छ ।
१९ औं संस्करणको पल्सर अवार्ड आउँदो फागुन २३ गते कमलादीस्थित प्रज्ञा प्रतिष्ठानमा आयोजना हुनेछ ।
सहप्रायोजक बनेवापत प्लाजा होटल ग्रुपले अवार्ड कार्यक्रममा लागि आउने अतिथिको आवास सुविधाको व्यवस्था गरिदिने सम्झौतामा उल्लेख छ । त्यससहित मञ्चले आयोजना गर्ने कार्यक्रमहरूका लागि होटलले स्थान उपलब्ध गराउने छ ।
पल्सर स्पोर्टस अवार्डअन्तर्गत पिपल्स च्वाइस विधाको मनोनयन सार्वजनिक भइसकेको छ ।
प्रतिक्रिया 4