फेसबुकमार्फत साथी बनाई ६० लाख ठगी, युवक पक्राउ

२६ चैत, काठमाडौं । प्रहरीको साइबर ब्‍यूरोले फेसबुकमार्फत साथी बनाई डिजिटल ठगी गरेको आरोपमा एक जनालाई पक्राउ गरेको छ ।

पक्राउ पर्नेमा पर्वतको मोदी गाउँपालिका-२ बस्‍ने २६ वर्षीय विश्व शर्मा रहेका छन् ।

पक्राउ परेका उनीमाथि सामाजिक सञ्जालको दुरूपयोग गरी भएको ठगी अन्तर्गतको कसूरमा काठमाडौं जिल्ला अदालतबाट ५ दिनको म्‍याद थप भई आवश्‍यक अनुसन्धान भइरहेको छ ।

उनले पीडितलाई विभिन्न बहाना बनाइ फरक-फरक बैंक तथा डिजिटल वालेटबाट ६० लाख रुपैयाँ ठगी गरेको प्रहरीको आरोप छ ।