२०७९ चैत २६ गते १९:४३ 
२६ चैत, काठमाडौं । न्युरोड टिम एनआरटीले शहीद स्मारक ए डिभिजन लिग २०७९-८० मा आइतबार हिमालयन शेर्पा विरुद्ध २-१ को पुनरागमन जित हात पारेको छ ।
सिजनको पहिलो जितपछि एनआरटीले रेलिगेसन जोन छाडेको छ । एन्फा कम्प्लेक्समा भएको खेलमा एनआरटीले एक गोलले पछि परेको स्थिती उल्टाएर जित निकालेको हो ।
१४ औं मिनेटमा खमिर गिल्सनले गोल गर्दै हिमालयनलाई सुरुआती अग्रता दिलाएका थिए । पहिलो हाफमा पछि परेपनि एनआरटीले दोस्रो हाफमा दुई गोल फर्कायो ।
६७ औं मिनेटमा रोहन खड्कीले गोल गर्दै एनआरटीलाई खेलमा फर्काए । त्यसपछि ८९ औं मिनेटमा जेनिस प्रजापतिले गोल गर्दै एनआरटीलाई २-१ को जित दिलाए ।
जितपछि ७ खेलबाट ६ अंक जोडेको एनआरटीले अन्तिम दुई स्थान छाड्दै १२औं स्थानमा उक्लेको छ ।
प्रतिक्रिया 4