२०८० वैशाख ३ गते ७:१६ 
३ वैशाख, काठमाडौं । स्पानिस ला लिगाका दोस्रो स्थानको रियल मड्रिडले क्याडिजलाई २-० ले पराजित गरेको छ ।
क्याडिजको मैदानमा भएको खेलमा रियलले दुवै गोल दोस्रो हाफमा चार मिनेट अन्तरमा गरेको थियो ।
७२औं मिनेटमा नाचो फर्नान्डेजले चुवामेनीको पासमा गोल गर्दै रियललाई अग्रता दिलाएका थिए । त्यसपछि ७६औं मिनेटमा फेडेरिको ऐलभेर्डको पासमा मार्को असेन्सिओले गोल गरे ।
जितपछि रियलले २९ खेलबाट ६२ अंक जोडेको छ र अझै लिग लिडर बार्सिलोनाभन्दा १० अंङ्कले पछि छ । बार्सिलोनाले एक खेल कम खेलेको छ ।
प्रतिक्रिया 4