५ वैशाख, काठमाडौं । अमेरिकी नागरिकले नेपालमा अध्ययन भिसा लिंदा लाग्ने दस्तुर २ सय डलरले घटेको छ ।
अध्यागमन विभागका अनुसार नेपालले संयुक्त राज्य अमेरिकाको राहदानी बाहक अमेरिकी नागरिकलाई अध्ययन भिसा जारी गर्दा अब मात्र १६० अमेरिकी डलर लिइने छ । यसअघि यो ३६० डलर रहेको थियो । मन्त्रिपरिषद्को ३० फागुनको निर्णयले यस्तो निर्णय गरेको थियो । घटेको दस्तुर १ वैशाख २०८० बाट लागु भएको हो ।
विभागका प्रवक्ता कमलप्रसाद पाण्डेका अनुसार दुई मुलुकबीचको पारस्परिकताका आधारमा यस्तो निर्णय भएको हो । यसअघि एक वर्ष अगाडि नै अमेरिकी सरकारले सो मुलुकमा अध्ययनका लागि जाने विद्यार्थीलाई लाग्ने भिसा शुल्क घटाएर १६० डलर कायम गरेको थियो । सो नियम नेपाली विद्यार्थीको हकमा समेत लागु भएको छ । सोहीकारण पारस्पारिकताका आधारमा नेपालले पनि ५ वर्षे मल्टिपल भिसा (अध्ययन)मा लाग्ने शूल्क १६० डलर मात्र कायम गरेको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4