समर्थकले सफा गरे क्रिकेट मैदानको फोहोर (तस्वीरहरू)

१८ वैशाख, काठमाडौं । क्रिकेट समर्थकहरुले त्रिवि क्रिकेट मैदानको फोहोर सफा गरेका छन् ।

एसीसी प्रिमियर कप क्रिकेटको फाइनल खेल वर्षाले बिथोले पनि खेल हुने आशामा साढे ४ बजेसम्म मैदानमै कुरेर बसेका समर्थकहरुले बाँकी खेल भोलि हुने भएपछि दर्शकदीर्घाको सफाइ गरेका हुन् ।

यसअघि सेमिफाइनल खेलमा भारी वर्षा भएपछि खेल रद्ध भएसँगै समर्थक त्यत्तिकै हिँडेका थिए । जसका कारण स्टेडियमा फोहोर रहेको तस्वीर सामाजिक सञ्जालमा राखेर आलोचना भएको थियो ।

तर आज भने पानीमा भिजेरै भए पनि समर्थकले स्टेडियम सफा गरेका हुन् । नेपाल र यूएईबीचको बाँकी खेल भोलि बिहान ९ बजे सुरु हुने छ ।

स्टेडियम सफाइका तस्वीरहरू हेर्नुहोस् :