२६ वैशाख, काठमाडौं । नेपाली कांग्रेसका नेता प्रदीप पौडेलले अन्तर मन्त्रालय समन्वय नहुँदा काठमाडौंको सडक पटक पटक भत्काउनु परेको बताएका छन् ।
प्रतिनिधि सभाको बैठकमा शून्य समयमा बोल्ने क्रममा उनले काठमाडौंका धेरै जसो सडकको निर्माण कार्य अलपत्र परेको सुनाए ।
‘खानेपानीको पाइप विछ्याउनेदेखि विजुलीको तार भूमिगत गर्ने नाममा सडक बारम्बार खनिएको छ,’ पौडेलले भने, ‘फुटपाथमा निर्माण सामग्री राखेर अस्तव्यस्त बनाइएको छ । सरकारका मन्त्रालयहरु विच समन्वय हुन नसकेका कारण एउटै सडक वर्षमा चारपटक सडक भत्काइएकोे छ ।’
काठमाडौं ५ का सांसद पौडेलले सडक कहिँ बनाउँदै नबनाउने कहिँ बनेको सडक पटक पटक भत्काउने कार्य भएकोप्रति असन्तुष्टि व्यक्त गरे ।
पौडेले संसदमा भने, ‘सडक भत्काउने मात्रै हो कि जनतालाई सुविधा हुने गरि विकासका कार्यलाई व्यवस्थित गराउने हो ?’ भत्काइएका सडक वर्षात् अघि नै बनाउन सरकारको ध्यानाकर्षण गराए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4