गर्मीका कारण भरतपुरका विद्यालय बन्द

१९ जेठ, भरतपुर । अत्यधिक गर्मीका कारण चितवनको भरतपुर महानगरपालिकाका विद्यालय एक साता बन्द रहने भएका छन् ।

महानगरपालिकाले शुक्रबार सूचना निकालेर २१ जेठ आइतरबादेखि २६ जेठ शुक्रबारसम्म विद्यालयमा सार्वजनिक बिदाको घोषणा गरेको छ ।

साउन अन्तिम हप्ता दिइने वर्षे बिदा कटौती गरेर आउँदो हप्ता विद्यालयमा विद्यालयमा बिदा दिने निर्णय भएको नगर शिक्षा अधिकारी महेन्द्रप्रसाद पौड्यालले जानकारी दिए ।

साथै महानगरपालिकाले बिदाको समयमा बालबालिकालाई घाममा हिँड्डुल गर्न नदिन, नदी तथा पोखरीमा पौडी खेल्ने, माछा मार्ने जस्ता काम गर्न नदिन पनि अभिभावकहरुलाई सचेत गराएको छ ।

हेर्नुहोस् सूचनाः