फिलिपिन्सविरुद्ध डेब्यू गर्दै लाकेन र विमल

३२ जेठ, काठमाडौं। फिलिपिन्सविरुद्धको मैत्रीपूर्ण फुटबल खेलका लागि नेपालको पहिलो रोजाइ सार्वजनिक भएको छ।

जसमा पहिलो पटक राष्ट्रिय टिममा परेका मिडफिल्डर लाकेन लिम्बु र डिफेण्डर विमल पाण्डेले डेब्यू गर्दैछन्।

ए डिभिजन लिगमा राम्रो प्रदर्शन गरेका लाकेन र विमललाई मुख्य प्रशिक्षक भिनसेन्जो अल्बर्टो एनेसले पहिलो पटक टिममा राखेका थिए। लाकेनले थ्री स्टार र विमलले त्रिभुवन आर्मी एफसीबाट खेलेका थिए।

साफ च्याम्पियनसिपको तयारीका लागि नेपाल मैत्रीपूर्ण खेल खेल्न फिलिपिन्स गएको हो। नेपाल र फिलिपिन्स बीचको खेल पौने ५ बजे मनिलास्थित रिजाल मेमोरियल स्टेडियममा सुरु हुनेछ।

फिलिपिन्ससँग मैत्रीपूर्ण खेलपछि नेपाली टोली उतैबाट साफ खेल्न भारतको बेंगलुरु जानेछ। साफ जुन २१ देखि जुलाई ४ सम्म हुनेछ।

नेपालको सुरुवाती-११

किरण चेम्जोङ (कप्तान),

विमल पाण्डे,

सनिस श्रेष्ठ,

अनन्त तामाङ,

रोहित चन्द,

पुजन उपरकोटी,

एरिक बिस्ट,

लाकेन लिम्बू,

आयूष घलान,

नवयुग श्रेष्ठ,

अञ्जन बिष्ट