दाङमा खोलाले बगाउँदा माछा मार्न गएका युवक बेपत्ता

९ साउन, दाङ । दाङमा खोलाले बगाउँदा एक युवक बेपत्ता भएका छन् ।

मंगलबार घोराही उपमहानगरपालिका–७ शुक्रबारस्थित जंगुवा खोलामा माछा मार्ने क्रममा बाढीले बगाउँदा घोराही उपमहानगरपालिका–१० का २८ बर्षीय सुनिल पुन बेपत्ता भएका जिल्ला प्रहरी कार्यालय दाङका प्रहरी नायव उपरीक्षक राजनकुमार गौतमले जानकारी दिए ।

उनका अनुसार दिउँसो साढे चार बजेतिर माछा मार्ने क्रममा खोलामा आएको बाढीमा दुबेर बेपत्ता भएका हुन् । उनको खोजी कार्य भइरहेको प्रहरीले जनाएको छ ।