बा
जीवनको जन्मदाता
आस्थाको केन्द्र, प्रेरणाको स्रोत
विश्वास र शक्तिको खानी
इमान्दारिताको प्रतिमूर्ति
प्रसन्नता र आत्मविश्वास
पूर्ण वात्सल्यता
थोरै भय तर हार्दिकताले भरिपूर्ण
जस्तोसुकै पीडा र दु:खहरुमा पनि
निडर र सतिसाल झैं अडिग
बा
यो शब्दले ऊर्जा र शक्ति दिन्छ
आनन्दित र प्रफुल्लित बनाउँछ
दु:ख र कठिन परिस्थितिमा
मजबुत दिवार बन्दै
सन्तानको सुखद् भविष्यको लागि भनी
मनमा दृढ अठोट र संकल्पसहित
निर्भयका साथ अविचलित रुपमा
एकलव्य अगाडि बढिरहनुभयो
मात्र सुखहरुलाई महसुस गर्दै
बा
तपाईंको
राष्ट्र र राष्ट्रियताप्रतिको निष्ठा
शिक्षाप्रतिको उत्सर्ग र लगाव
शिक्षित समाजको अवधारणा
जसको लागि आफ्नो सम्पूर्ण जीवनको समर्पण
थुप्रै सकारात्मक कर्म र अमिट छापहरु
शालीनता अनि उच्च सम्मान
यस्तो लाग्छ सयौं जुनी
तपाईंकै छायामा जिउन पाऊँ
हृदयको स्पन्दनमा भनौं वा मानसपटलमा
तपाईं कदापि अमिट हुनुहुनेछैन ।।
–सुर्खेत (हाल काठमाडौं)
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4